पक्ष परिवर्तन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

पक्ष परिवर्तन

आघाडी -युतीच्या राजकारणामुळे,
सगळेच पक्ष सारखेच वागू लागले.
एकमेकांचे वाण तर लागलेच लागले,
पण एकमेकांचे गुणही लागू लागले.

सत्तेसाठी वाटेल ते म्हणता म्हणता,
जणू पश्चातापाची पाळी आली आहे.
कुणाचा म्हणे झाला भाजपा तर,
कुणाची म्हणे काँग्रेस झाली आहे.

कुणाच्या पक्षाचे काय झाले?
त्यांचेच जगजाहीर ढोल आहेत !
ही काही आमची थापालॉजी नाही,
हे त्यांच्याच अनुभवाचे बोल आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8800
वर्ष-25 वे
दैनिक झुंजार नेता
15 जानेवारी 2025