समर्थक जिंदाबाद...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

समर्थक जिंदाबाद

तुकडे फेकता आले की,
तुम्हाला समर्थकांची कमी नाही.
समर्थक तयार करता येतात,
यासारखी युक्तीही नामी नाही.

शेवटी समर्थक कुणाचेही असोत,
समर्थक हे समर्थक असतात.
चांगल्या वाईटाचे परिणाम,
त्यांच्यासमोर निरर्थक असतात.

नेहमीच समर्थनाच्या नशेमध्ये,
सगळेच समर्थक धुंद असतात !
त्यांना वाटते ते कट्टर आहेत,
वास्तवात मात्र ते अंध असतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8801
वर्ष-25 वे
दैनिक झुंजार नेता
16जानेवारी 2025