मर्कट लिला ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

मर्कट लिला

आपल्या अभिव्यक्ती स्वातंत्र्याची,
उठता बसता टीमकी वाजवू नका.
चेकाळलेल्या माकडांसमोर,
उगीच आपले नाक खाजवू नका.

शेवटी माकडे ती माकडेच,
उगीच त्यांच्या हाती मद्य देऊ नका.
आपलीच लाल म्हणणाऱ्यांच्या हाती,
पुन्हा पुन्हा नवे वाद्य देऊ नका.

माकड काय? मर्कट काय?
अगदी अजब त्यांचे तर्कट आहे !
वैचारिक प्रगल्भतेचा दुष्काळ,
सगळाच मामला पोरकट आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8867
वर्ष-25 वे
दैनिक झुंजार नेता
26मार्च2025