Monday, March 31, 2025

मुद्दे सलामत तो...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

 

आजची वात्रटिका
--------------------

मुद्दे सलामत तो...

ते कशाचे राजकारण करतील,
याची कसली सुद्धा हमी नाही.
त्यांनी ठरविले तर त्यांना,
मुद्द्यांचीसुद्धा कसलीच कमी नाही.

राजकारणाला मुद्देच असावेत,
त्यांचे काहीसुद्धा अडलेले नाही
राजकारण करण्यासाठी,
कुत्र्या मांजरांनाही सोडलेले नाही.

जित्या जागत्या माणसांना तर,
ते केव्हाही ठोकरू शकतात !
तरीही पडलेच मुद्दे अपुरे तर,
ते मेलेले मुडही उकरू शकतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8873
वर्ष-25 वे
दैनिक झुंजार नेता
31मार्च2025
 

No comments:

daily vatratika...3april2025