कॉमेडी..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

कॉमेडी

लोकशाहीची झाली कॉमेडी,
कॉमेडीयनला चांगली संधी आहे.
अभिव्यक्ती स्वातंत्र्याच्या नावाने,
सगळीकडूनच अंदाधुंदी आहे.

जेव्हा प्रवृत्तीवरची टीका,
व्यक्ती वरती येऊ शकते.
तेव्हा आपलीच अभिव्यक्ती,
आपल्यावर बुमरँग होऊ शकते.

याचा अट्टाहास नको,
टाळ्या आणि हास्य पाहिजे !
भाष्य कुणा व्यक्तीवर नको,
प्रवृत्तीवरती भाष्य पाहिजे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8871
वर्ष-25 वे
दैनिक झुंजार नेता
29मार्च2025