सौगात....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

सौगात

आपल्याच प्रतिमेवर,
आपलीच मात आहे.
वाल्याचा वाल्मिकी होतोय,
हीसुद्धा एक सौगात आहे.

सौगात सुद्धा विरोधकांना,
आता खैरात वाटते आहे.
मित्रत्वामध्ये नाही ते सुख,
त्यांना वैरात वाटते आहे.

जे आहे ते उघड उघड,
त्यात असे काय राज आहे?
विरोधकांच्या मनात मात्र,
बिल्ली आणि हाज आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8870
वर्ष-25 वे
दैनिक झुंजार नेता
28मार्च2025