आघाडी धर्म ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------

आघाडी धर्म

सत्तेवर कधी आघाडी असते,
सत्तेवर कधी तिघाडी असते.
त्यांना काहीच फरक पडत नाही,
जरी अधून मधून बिघाडी असते.

एकमेकांना पाचर मारून मारून,
आपलाच खुट्टा घट्ट केला जातो.
जो पुरवला जाऊ शकत नाही,
असा राजकीय हट्ट केला जातो.

विसंवाद वाढवून वाढवून,
परस्पर संवाद साधला जातो !
ताणून ताणून तुटू लागले की,
मित्राला आघाडी धर्म बोधला जातो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8872
वर्ष-25 वे
दैनिक झुंजार नेता
30मार्च2025