विकास दर्शन ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

--------------------

विकास दर्शन

सगळीकडून ओहोटी,

एकीकडेच भरती आहे.

सगळ्याच बंडखोरांकडून,

सत्तेचीच आरती आहे.

सत्तेच्या आरतीला,

विकासाचाच जप आहे.

खपाखप खपतो म्हणून,

विकासाचाच खप आहे.

विकासाच्या खपवाखपवीत,

सगळ्यांचीच बाजी आहे !

भुलवत रहा;झुलवत रहा,

जनता कशालाही राजी आहे!!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका- 9331

वर्ष-26 वे

दैनिक झुंजार नेता

8 जुलै 2026