आंदोलन संदेश.....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

--------------------

आंदोलन संदेश

कधी वाटले उपोषण,

कधी वाटले मोर्चा आहे.

दिल्लीतल्या आंदोलनाची,

गल्लोगल्ली चर्चा आहे.

आंदोलनावर शंका आहे,

आंदोलनावर कुशंका आहे.

राजीनाम्याच्या मागणीबरोबर,

उत्स्फूर्ततेचा डंका आहे.

लोकभावना खोटी नाही,

दिसले ते चित्र खोटे नाही!

लोकशाहीमध्ये लोकांपेक्षा,

दुसरे कुणीच मोठे नाही !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका- 9344

वर्ष-26 वे

दैनिक झुंजार नेता

21 जुलै 2026