सामाजिक अनास्था ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका.

आजची वात्रटिका

--------------------

सामाजिक अनास्था

गणवेशापासून भोजनापर्यंत,

सगळे काही फुकट आहे.

तरी सरकारी शाळांची वाट ,

दिवसेंदिवस बिकट आहे.

फुकटच्यापेक्षा विकतच्याचा,

जनमानसावर प्रभाव आहे.

सरकारी शाळांची बदनामी,

म्हणे गुणवत्तेचा अभाव आहे.

बदनामीच्या डावपेचांना,

पूरक असे धोरण आहे!

सामाजिक अनास्थेमुळे,

सरकारी शाळांचे मरण आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका- 9336

वर्ष-26 वे

दैनिक झुंजार नेता

13 जुलै 2026