विकासाचा देखावा ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------

विकासाचा देखावा

वास्तवाला अवास्तवाचा,

बेमालूम मुलामा दिला जातो.

भकास नावाचा कार्यक्रम,

विकास म्हणून उभा केला जातो.

विकासाच्या देखाव्यालाच मग,

अगदी साग्र संगीत सजवले जाते.

जमा खर्चाचा ताळेबंद देऊन,

जुन्यालाच पुन्हा उजवले जाते.

ज्यांचे ज्यांचे हितसंबंध गुंतलेले,

ते बहिरे,मुके आणि अंध होतात !

असे कितीतरी वांझोटे विकास,

ऑडिटसह फाईलबंद होतात !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8876

वर्ष-25 वे

दैनिक झुंजार नेता

3 एप्रिल2025