अल निनो इफेक्ट...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

अल निनो इफेक्ट

हे अल निनो इफेक्ट प्रकरण,

पंचांगवाल्यांना कळाले तर बरे होईल.

त्यांच्याबरोबर भाकितावाल्यांचेही,

पावसाचे भविष्य नक्की खरे होइल.

वेधशाळेचासुद्धा अंदाज चुकातोच,

ते अपडेट होऊन चुका मान्य करतात.

कधी कधी मात्र वेधशाळेवाले,

आपल्यावरचा विश्वास शून्य करतात.

सगळ्यांचेच अंदाज चुकावेत,

असे काही तरी चमत्कारिक घडू द्या !

अल निनोत अंग चोरणारा मान्सून,

अगदी मोकळ्या मनाने पडू द्या !!

-सूर्यकांत डॊळसे,पाटोदा(बीड)

मोबाईल-9923847269

----------------------------

चिमटा-6831

दैनिक पुण्यनगरी

वर्ष -19वे

11जून2023