राजकीय मजबूरी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

राजकीय मजबूरी

कुणीही कुणाला खेटू लागले,
कुणाचेही कुणाशी पटू लागले.
राजकीय सुसंवादाचे वातावरण,
जिकडे बघावे तिकडे वाटू लागले.

संवादाचा सुसंवाद होऊ शकतो,
इथे विसंवादाचे सुसंवाद होत आहेत.
आपल्याच राजकीय सुसंवादाला,
सगळेच मोठ्याने दाद देत आहेत.

पोटात एक;ओठात एक आहे,
ही गोष्ट शंभर टक्के खरी आहे !
विसंवादाचे सूसंवाद झाले,
त्याचे कारण मात्र मजबुरी आहे !!

-सूर्यकांत डॊळसे,पाटोदा(बीड)
मोबाईल-9923847269
---------------------
चिमटा-6827
दैनिक पुण्यनगरी
वर्ष -19वे
7जून2023