राजेहो...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

 आजची वात्रटिका

-------------------------

राजेहो...

लोकशाहीतही राजेशाहीची,
मस्ती काही अजून गेलेली नाही.
लोकांना अपेक्षित असलेली,
लोकशाही अजून आलेली नाही.

लोकशाहीतही राजेशाहीपुढे,
पुन्हा पुन्हा गोंडा घोळला जातो.
राजेशाहीकडूनही लोकशाहीचा,
वाट्टेल तसा खेळ खेळला जातो.

लोकशाहीकडून राजेशाहीचे,
सहेतूक उदात्तीकरण केले जाते !
खालसा झालेल्या संस्थानिकांचे,
नव्याने पुनरुज्जीवन केले जाते !!

-सूर्यकांत डॊळसे,पाटोदा(बीड)
मोबाईल-9923847269
---------------------------------
चिमटा-6843
दैनिक पुण्यनगरी
वर्ष -19वे
23जून2023