सोशल मीडियाचे कोलीत...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

सोशल मीडियाचे कोलीत

वादग्रस्त सोशल मीडिया,
वादग्रस्त स्टेटस आणि पोस्ट आहे.
कायदा आणि सुव्यवस्थेची,
सोशल मीडियाकडून टेस्ट आहे.

नको त्याची टिंगल टवाळी आहे,
नको त्याचे उदात्तीकरण होते.
पुढे नाक खाजवणारे दिसले की,
माकडांनासुद्धा खूप स्फुरण येते.

खेळते वेगळे;खेळविणारे वेगळे,
याचेच हे विद्रूप असे फलित आहे !
जणू पेताड माकडांच्या हाती,
सोशल मीडियाचे कोलीत आहे!!

-सूर्यकांत डॊळसे,पाटोदा(बीड)
मोबाईल-9923847269
-----------------------------------
चिमटा-6828
दैनिक पुण्यनगरी
वर्ष -19वे
8जून2023