राजकीय स्वभाव...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

राजकीय स्वभाव

कधी विरोधात बसले काय?
कधी ते सत्तेत असले काय?
राजकारणी राजकारणीच,
कधी वेगळे दिसले काय?

वेगळे कधी दिसले नाहीत,
वेगळे कधी दिसणार नाहीत.
काही बदल जाणवला तर,
ते राजकारणीच असणार नाही.

स्वभाव कुणाचाही असो,
स्वभावाचा एक नियम असतो!
सुंभ कितीही जळाला तरी,
त्याचा पिळ मात्र कायम असतो !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8280
दैनिक झुंजार नेता
वर्ष -23वे
18जून2023