भ्रष्टाचाराच्या आरोपांचे पाढे...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

भ्रष्टाचाराच्या आरोपांचे पाढे

अगदी जाहीरपणे वाचले जाणारे,
एकमेकांच्या आरोपांचे पाढे आहेत.
सगळेच्या सगळे समजून चुकलेत,
आपले मतदार राजेच वेडे आहेत.

आपला लहान;त्यांचा मोठा आहे,
असे त्यांचे भ्रष्टाचाराचे पाढे आहेत.
आपल्या सोडून इतरांच्या भ्रष्टाचाराचे,
प्रत्येकाचे अभ्याससुद्धा गाढे आहेत.

भ्रष्टाचाराच्या तथाकथित आरोपांनी,
मीडियावरती इज्जत टांगली आहे !
ना खाऊंगा;ना खाने दूंगा,
घोषणा आचारायला चांगली आहे !!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6848
दैनिक पुण्यनगरी
वर्ष -19वे
28जून2023