सुसंगतीतील विसंगती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

सुसंगतीतील विसंगती

कालचे मतभेद आणि मनभेद,
कधी कधी अचानक फेक होतात.
विरोधाला विरोध करणारेही,
कधी कधी सत्तेसाठी एक होतात.

शत्रूचा शत्रू तो आपला दोस्त,
ओठी फिल्मी डायलॉग असतो.
आत दडलेला असतो स्वार्थ,
वरकरणी राजकीय त्याग असतो.

सुसंगतीतही विसंगती दिसते,
नको त्याच्या मांडीला मांडी असते !
आपल्याच चेंडूवरती जी उडते,
ती आपलीच मधली दांडी असते !!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6844
दैनिक पुण्यनगरी
वर्ष -19वे
24जून2023