फुकटची चढओढ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

फुकटची चढओढ

इथून तिथून सगळीच,
पंचाईत करून ठेवली आहे.
प्रत्येक सरकारने लोकांना,
फुकटची सवय लावली आहे.

ज्याला गरज नाही त्यालाही,
फुकटचे लाभार्थी केले आहे.
एकाचे पाहून दुसऱ्याला,
सरकारने स्वार्थी केले आहे.

देणारा आणि घेणारांनाही,
देवघेव गोड लागली आहे !
निवडणुकांच्या पार्श्वभूमीवर,
फुकटची चढाओढ लागली आहे !

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8614
दैनिक झुंजार नेता
वर्ष -24वे
6जुलै 2024