निष्ठावान झाले बंदीवान ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

निष्ठावान झाले बंदीवान

कांटे की टक्कर असली की,
जीवाचे एकच रान करावे लागते.
घोडे बाजाराचा अंदाज आला की,
निष्ठावानालाही बंदिवान करावे लागते.

निष्ठावान कधी संधीवान होतील,
याचीसुद्धा काही गॅरंटी देता येत नाही.
निष्ठावान बंदीवान केले तरी,
त्यांच्याकडूनही गॅरंटी घेता येत नाही.

बंदिवान असतात नजर कैदेत,
पण त्यांची नजर कैद करता येत नाही !
ज्यांनी केले इतरांचे विश्वासघात,
त्यांनाच मग विश्वास पेरता येत नाही !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8617
दैनिक झुंजार नेता
वर्ष -24वे
9जुलै 2024