राजकीय गुंडा-गर्दी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

 आजची वात्रटिका

--------------------------

राजकीय गुंडा-गर्दी

जिकडे बघावे तिकडे,
सगळीकडेच गुंडा-गर्दी आहे.
गुंडा-पुंडांच्या अंगावरती,
पांढऱ्या खादीची वर्दी आहे.

पांढरी खादी घातली की,
सर्व काळे डाग विरून जातात.
सब कुछ चलता है..
असेच गृहीत धरून जातात.

गुन्हेगारी आणि राजकारण,
एकमेकांना अगदी पूरक आहेत !
दोन्हीकडच्याही यशाचे,
दोघेही तेवढेच कारक आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8697
दैनिक झुंजार नेता
वर्ष -24वे
29सप्टेंबर 2024