मारकडवाडीचा संदेश...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

मारकडवाडीचा संदेश

मारकडवाडीच्या मतदारांचा दावा,
ईव्हीएमने दिलेला कौल फेक आहे.
मारकडवाडीचे उदाहरण म्हणजे,
स्वतः स्वतःचीच रियालिटी चेक आहे.

एक मारकडवाडी रोखली गेली,
पण सर्वांनाच असे रोखता येणार नाही.
कायदा आणि सुव्यवस्थेच्या मापात,
सच्ची लोकभावना जोखता येणार नाही.

बॅलेट पेपर नको; चिठ्ठ्या नको,
यंत्रणा आपली परीक्षा बघू शकते !
उद्या शाळेतले मॉनिटर निवडतानाही,
ईव्हीएम मशीन आणावे लागू शकते !!

-सूर्यकांत डॊळसे,पाटोदा(बीड)
मोबाईल-9923847269,
-------------------------------
फेरफटका-8759
दैनिक झुंजार नेता
वर्ष -24वे
4 डिसेंबर2024