आचारसंहितेचा धसका...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------------

आचारसंहितेचा धसका

प्रत्यक्ष निवडणूक लढणारांपेक्षाही
हवालदिल मतदार राजा असतो.
निवडणुकीपेक्षा आचारसंहितेचाच,
नको त्यापेक्षा जास्त गाजावाजा असतो.

निवडणुका येतात जातात,
आचारसंहितेचाच धसका असतो.
जसा लग्नापेक्षाही महत्त्वाचा,
लोकांसाठी हळद -खिसका असतो.

निवडणुकीसाठी आचारसंहिता असते,
आचारसंहितेसाठी निवडणूक नाही !
भित्यापोटीच ब्रह्मराक्षस असतो,
त्यात मतदार राजाची काही चूक नाही !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8506
दैनिक झुंजार नेता
वर्ष -24वे
17मार्च2024