कॉमन फॅक्टर...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------------

कॉमन फॅक्टर

तिकीट वाटपाच्या कार्यक्रमात,

सर्व पक्षांची एक वाक्यता असते.

त्यालाच करतात तिकीट बहाल,

ज्याची जिंकण्याची शक्यता असते.

जात-पात, गुंडागर्दी,पैसा-अडका,

यांचाही एकसारखा विचार असतो.

परस्परांना लाज आणील,

असाच तर सर्वांचा प्रचार असतो.

सर्वांचे असते सारखी थिअरी,

सर्वांचे प्रॅक्टिकलही एक असते !

सगळे एकाच गुरुचे चेले,

हीच यातली राजकीय मेख असते !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8502

दैनिक झुंजार नेता

वर्ष -24वे

12मार्च2024