लड्डू मुत्त्याचा ट्रेंड ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

लड्डू मुत्त्याचा ट्रेंड

आजकाल सोशल मीडियावरती,
लड्डू मुत्त्याचा ट्रेंड आला आहे.
सोशल मीडियावरील नेटकरी
लड्डू मुत्त्याचा 'फॅन' झाला आहे.

भाविक भक्त जेवढे भोळे,
तेवढेच भाविक भक्त अंध आहेत.
काहींचा वरचा मजला रिकामा,
काही काही तर मतिमंद आहेत.

किती बुवा बाबा आले गेले,
लड्डू मुत्त्याचा औरच थाट आहे !
भल्या भल्याची वाट लावू शकते,
अशी सोशल मीडियाची वाट आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8700
दैनिक झुंजार नेता
वर्ष -24वे
2 ऑक्टोबर 2024