जागा वाटप...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

जागा वाटप

ज्याला त्याला वाटत राहते,
हाच बालेकिल्ला;हाच गड आहे.
त्यामुळेच निवडून येणे सोपे,
पण जागा वाटप अवघड आहे.

प्रचारापेक्षाही जास्त शक्ती,
जागा वाटपात आटली जाते.
इच्छुक जरी अनेक असले तरी,
ती कुणा एकालाच सुटली जाते.

हवी ती जागा मिळविण्यासाठी,
मित्रांसोबतच द्रोह करावे लागतात !
विरोधकांशी लढाई खेळताना,
आपसातच तह करावे लागतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8701
दैनिक झुंजार नेता
वर्ष -24वे
3ऑक्टोबर 2024