बैल म्हणाला बैलाला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

 

आजची वात्रटिका
--------------------------

बैल म्हणाला बैलाला

कुणी झाल्या लाडक्या बहिणी,
कुणी झाल्या राज्यमाता-गोमाता.
आपण बसू गोमाशा हाणीत,
सांग नेमके काय करायचे आता?

त्या राज्यमाता गोमाता झाल्या तर,
आपणही राज्यपिता होऊ शकतो.
कुणी म्हणायचे तेव्हा म्हणेल,
आपण आपले म्हणून घेऊ शकतो.

स्त्री- पुरुष समानतेला तर,
सरकारकडूनच फाटा आहे !
त्या राज्यमाता-गोमाता होण्यात,
आपलाच तर सिंहाचा वाटा आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8699
दैनिक झुंजार नेता
वर्ष -24वे
1 ऑक्टोबर 2024