अभिजात मराठी !...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

अभिजात मराठी !

धर्म मराठी,जात मराठी.
बाहेर मराठी,आत मराठी.
अभिमानाने बोलतो आम्ही,
आमची अभिजात मराठी.

श्वास मराठी,ध्यास मराठी,
चिऊ काऊचा घास मराठी.
संत,पंत आणि तंतांचा;
चिरंजीव सहवास मराठी.

इकडे मराठी;तिकडे मराठी,
हिमालयावरही फडफडे मराठी !
ज्ञानभाषेचे स्वप्न उराशी,
राजकारणाच्या पलीकडे मराठी !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8702
दैनिक झुंजार नेता
वर्ष -24वे
4ऑक्टोबर 2024