आजची वात्रटिका
--------------------------
गोडी - गुलाबी
गुण नाही पण वाण लागला आहे.
कालच्या 'दादागिरी' च्या भाषेला,
मवाळतेचा बाण लागला आहे.
एक घाव दोन तुकडे नाहीत,
आता संयम आणि सबुरी आहे.
सारे बोलणे तोलून मापून,
ही तर राजकीय मजबुरी आहे.
राजकीय मजबुरी असली तरी,
त्यांना नरमाई काही शोभत नाही !
राजकीय गोडी- गुलाबीशिवाय,
आजकाल कुणाचेच निभत नाही!!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8704
दैनिक झुंजार नेता
वर्ष -24वे
6ऑक्टोबर 2024
No comments:
Post a Comment