अंधारातले उजेडात ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

अंधारातले उजेडात

जो तो आपल्या विजयाचे,
गुपित खोलायला लागला.
अंधारात कुणी कुणी मदत केली,
ते उजेडात बोलायला लागला.

अंधारातले उजेडात आले,
सगळे काही एकदम लख्ख आहे.
भल्या भल्याची पंचायत होणार,
हे सुद्धा एकदम पक्कं आहे.

कुणाचे चालले जाहीर कौतुक,
कुणावर संशयाचे ढग आहेत !
तमाशा पार्टी जुनीच तरी,
बोर्डावर नवे नवे वग आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8594
दैनिक झुंजार नेता
वर्ष -24वे
16 जून2024