उलटा न्याय ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

उलटा न्याय

संविधानावर चालणाऱ्या देशात,
सगळे कसे उलटे होऊ लागले.
संविधान मानणाऱ्या लोकांनाच,
धर्मविरोधी म्हटले जाऊ लागले.

भारत निधर्मी असला तरी,
इथे निधर्मी लोक चालत नाहीत.
तरी बरे धार्मिक दांभिकता दिसूनही,
खूप लोक त्याविरुद्ध बोलत नाहीत.

संविधान पूजकांनाच इथे,
शिव्या - शाप आणि दूषण आहे !
जे शिव्या - शाप आणि दूषण देतात,
त्यांचे तर जन्मजात शोषण आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8582
दैनिक झुंजार नेता
वर्ष -24वे
4जून2024