मुद्देसूद विचार...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------

मुद्देसूद विचार

मुद्दे जुनेच असले तरी,

कायमस्वरूपी पुरवले जातात.

नवा नवा मसाला घालून,

जुनेच मुद्दे मुरवले जातात.

जुनेच मुद्दे मुरवले की,

राजकारणाची लज्जत वाढते.

प्रतिष्ठा पणाला लावली की,

मुद्द्यांचीसुद्धा इज्जत वाढते.

जुनेच मुद्दे उजवले तरी,

नव्या मुद्द्यांनाही कमी नसते !

जुने ते सोने असल्यामुळे,

नव्यांची मात्र काही हमी नसते !!

-सूर्यकांत डोळसे,पाटोदा(बीड)

मोबाईल-9923847269

-----------------------------------

फेरफटका-8985

वर्ष-25 वे

दैनिक झुंजार नेता

23जुलै 2025