हिंदीचे उपकार...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

हिंदीचे उपकार

भाषा माणसे तोडू शकते,
भाषा माणसे जोडू शकते.
दुरावलेली रक्ताची नाती,
भाषाच जवळ ओढू शकते.

भाषेमुळे त्रागा होऊ शकतो,
भाषा एक धागा होऊ शकतो.
दुरावलेल्या भावामधला,
बंधुभाव जागा होऊ शकतो.

शेवटी भाषाच भाषेचे,
खरे महत्व जाणू शकते !
म्हणूनच आज मराठी भाषा,
हिंदीचेही आभार मानू शकते !!

-सूर्यकांत डोळसे,पाटोदा(बीड)
मोबाईल-9923847269
-----------------------------------
फेरफटका-8969
वर्ष-25 वे
दैनिक झुंजार नेता
6जुलै 2025