हात चलाखी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका.

आजची वात्रटिका
-------------------

हात चलाखी

कुणी कुणाचा उजवा तर,
कुणी कुणाचा डावा हात असतो.
एकदा हाताबाहेर गेले की,
त्यांच्याकडूनच त्यांचा घात असतो.

कधी डावे हात उजवे होतात,
कधी उजवे हातही डावे होतात.
हातांच्या हातच्यालाखीमुळेच,
राजकीय दावे प्रतिदावे होतात.

डावे उजवे हाताबाहेर गेले की,
सगळ्याच गोष्टी नडू लागतात !
आपलेच हात मोडून मग,
आपल्याच गळ्यात पडू लागतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8967
वर्ष-25 वे
दैनिक झुंजार नेता
4जुलै 2025