पाऊले चालती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

पाऊले चालती...

पंढरीच्या वारीत नक्षलवादी घुसले,
हे गृहीत धरून टाकले आहे.
एकाच फटक्यात अनेकांना,
नक्षलवादी करून टाकले आहे.

वारीत घुसलेल्या नक्षलवाद्यांची,
म्हणे ही अर्बन कॉपी आहे.
कर्मठ आणि सनातनी विचारांची
ही तर चक्क कार्बन कॉपी आहे.

हे काही शास्त्रीय संशोधन नाही,
हा तर आधुनिक जावई शोध आहे !
जीभ उचलून टाळ्याला लावू नये,
एवढाच यातला खरा बोध आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8966
वर्ष-25 वे
दैनिक झुंजार नेता
3जुलै 2025