निषेध विकृती...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

निषेध विकृती

नको त्या नको तशा विचारांची,
अगदी सहज स्वीकृती असते.
चांगला विचार पटला नाही की,
विरोधात निषेधाची विकृती असते.

विचारांचाही विचार व्हावा,
त्यासाठी सुतावरून स्वर्ग नको.
विचाराला विचाराने विरोध व्हावा,
त्यासाठी झुंडशाहीचा मार्ग नको.

झुंडशाही आणि दादागिरीचे,
आज ज्याला त्याला व्यसन आहे !
निषेधासाठी विकृत मार्ग निवडणे,
ही आज कालची फॅशन आहे !!

-सूर्यकांत डोळसे,पाटोदा(बीड)
मोबाईल-9923847269
-----------------------------------
फेरफटका-8977
वर्ष-25 वे
दैनिक झुंजार नेता
14जुलै 2025