गंजाटी दुनिया

आजची वात्रटिका

------------------------

 गंजाटी दुनिया

नट तर गांजाफुके आहेतच,
नट्याही गांजाफुक्या आहेत.
त्याला त्याला वाचा फुटली,
ज्या ज्या गोष्टी मुक्या आहेत.

पेतांडांच्या पेतांडाशी,
इन कॅमेरा गाठी-भेटी आहेत !
नव्या पिढीला तरी कळावे,
आपले आयडॉल गंजाटी आहेत !

-सूर्यकांत डोळसे,पाटोदा(बीड)
मोबाईल-9923847269
---------------------------------------
चिमटा-5925
दैनिक पुण्यनगरी
24सप्टेंबर2020

युद्ध प्रसंग

 आजची वात्रटिका

---------------------

युद्ध प्रसंग

नाक झाकता झाकता,

नाकी नऊ येऊ लागले.

आपल्या मुस्कटदाबीने,

दात ओठ खाऊ लागले.

कोरोना कोरोना,

सर्वत्र एकच ओरडा आहे.

अत्याचार सहन करून,

घसासुद्धा कोरडा आहे.

जिच्यावर सगळी मदार

ती प्रतिकारशक्ती आहे !

तोच खरा योद्धा,

ज्याची स्वतःवर भक्ती आहे !!

-सूर्यकांत डोळसे,पाटोदा(बीड)

मोबाईल-9923847269

------------------------

फेरफटका-7413

दैनिक झुंजार नेता

23सप्टेंबर2020

आरक्षणाचे मोहोळ

 आजची वात्रटिका

---------------------

आरक्षणाचे मोहोळ

घोळामध्ये घोळ आहे, आरक्षणांचा घोळ आहे. आरक्षणाचा मुद्दा म्हणजे, जणू आग्या मोहळ आहे.

एक मोहोळ उठले की, दुसऱ्यालाही जाग आहे ! न्यायाने जे मिळेल ते घ्यावे, उगीच एकमेकांचा राग आहे !

-सूर्यकांत डोळसे,पाटोदा(बीड) मोबाईल-9923847269 ---------------------------------------- चिमटा-5924 दैनिक पुण्यनगरी 23सप्टेंबर2020

आली लहर...

 आजची वात्रटिका

---------------------

आली लहर... पावसाची जातच, मोठी आडमुठी असते, नाही तोपर्यंत नाही, नसता ढगफुटी असते. पाऊस जेवढा आडमुठा, त्याहून तो लहरी आहे ! पाऊस जसा अमृत, तेवढाच तो जहरी आहे !! -सूर्यकांत डोळसे,पाटोदा(बीड) मोबाईल-9923847269 ------------------------ फेरफटका-7412 दैनिक झुंजार नेता 22सप्टेंबर2020

मी टू?

 आजची वात्रटिका

----------------------

मी टू?

शंका-कुशंकेच्या किड्याचे, उगीच वळवळू लागले पाय. त्या 'मी टू' तडाख्यात, आपणसुद्धा येतो की काय ?

'मी टू'ची शंका -कुशंका येणे, ही भावना कुठे सुखाची असते ? नाही तरी फक्त झाकलेलीच, मूठ सव्वा लाखाची असते !

-सूर्यकांत डोळसे,पाटोदा(बीड) मोबाईल-9923847269 ---------------------------------------- चिमटा-5923 दैनिक पुण्यनगरी 22सप्टेंबर2020

निषेध !

आजची वात्रटिका

----------------------

निषेध !

सांगताही येत नाही,

कधी काळचा रोष आहे?

'मीटू मीटू' च्या वादळाला,

राहून राहून जोश आहे.

कालच्या 'मिठू मिठू 'चा,

आज 'मीटू मीटू' असा,

नाहक घोष होऊ नये !

कुणाचाही कसलाही

कधीच शोष होऊ नये !!

-सूर्यकांत डोळसे,पाटोदा(बीड)

मोबाईल-9923847269

----------------------------------------

चिमटा-5922

दैनिक पुण्यनगरी

21सप्टेंबर2020 

ग्राऊंड रिपोर्ट

----------------------

ग्राऊंड रिपोर्ट

आज प्रेक्षकांशिवाय खेळला जातोय

उद्या बॅट-बॉलशिवाय खेळला जाईल.

स्टंप म्हणाले बॅट बॉलला,

सांगा कोरोना कधी जळला जाईल ?

कोरोनामुळे असे घडले होते,

यावर कुणी विश्वास ठेवणार नाही !

बॉल म्हणाला ,थिंक पॉझिटिव्ह;

आता कुणी थुका तरी लावणार नाही !!

-सूर्यकांत डोळसे,पाटोदा(बीड)

मोबाईल-9923847269

------------------------

फेरफटका-7411

दैनिक झुंजार नेता

21सप्टेंबर2020

जनता कर्फ्यू

 आजची वात्रटिका

----------------------

जनता कर्फ्यू

कोरोना जेव्हढा बदनाम,

तेवढीच त्याची किर्ती आहे.

लॉक डाऊन करण्याची,

आता जनतेलाच स्फूर्ती आहे.

जनतेच्या लॉक डाऊनचे,

'जनता कर्फ्यू' हे नाव आहे !

लॉक डाऊनसाठी राजी,

शहराबरोबर गाव आहे !!

-सूर्यकांत डोळसे,पाटोदा(बीड)

मोबाईल-9923847269

------------------------

फेरफटका-7410

दैनिक झुंजार नेता

20सप्टेंबर2020

आयपीएल2020

 आजची वात्रटिका

------------------------

आयपीएल2020

ना क्रिकेटचा जल्लोष आहे,

ना टाळ्यांचे गजर आहेत.

प्रेक्षकांचा पत्ता नाही,

फक्त खेळाडू हजर आहेत.

असला अघोरी खेळ,

फक्त कोरोनाच खेळवू शकतो !

लस यायची तेंव्हा येईल,

पण आयपीएलचा हंगामच,

भारतातला कोरोना पळवू शकतो !!

-सूर्यकांत डोळसे,पाटोदा(बीड)

मोबाईल-9923847269

----------------------------------------

चिमटा-5921

दैनिक पुण्यनगरी

20सप्टेंबर2020

सैनिकी बाणा

 आजची वात्रटिका

------------------------

सैनिकी बाणा

या सेनेतून, त्या सेनेत,

सैनिक खपला जातो.

सेना बदलली तरी,

सैनिकी बाणा जपला जातो.

वेगळी सेना, वेगळा सेनापती;

सैनिक मात्र तेच असतात !

त्यांना त्याचे काहीच नसते,

आपल्यापुढे पेच असतात !!

-सूर्यकांत डोळसे,पाटोदा(बीड)

मोबाईल-9923847269

------------------------

फेरफटका-7409

दैनिक झुंजार नेता

19सप्टेंबर2020

मेरी जंग

 आजची वात्रटिका

------------------------

मेरी जंग

दुष्काळात येतोच येतो,

त्याचाच हा पुरावा आहे.

पंचांग फडफडले,

कोरोनातही तेरावा आहे.

जणू कोरोनाच्या मनात,

जग बदलायचा चंग आहे !

आपण ठाम आहोत,

आपली कोरोनाशी जंग आहे !!

-सूर्यकांत डोळसे,पाटोदा(बीड)

मोबाईल-9923847269

----------------------------

चिमटा-5920

दैनिक पुण्यनगरी

19सप्टेंबर2020

कोरोना पॉलिटिक्स

 आजची वात्रटिका

------------------------

कोरोना पॉलिटिक्स

अँटीजन टेस्टसारखी, निष्ठेचीही टेस्ट पाहिजे. निष्ठेचा आलेख, गद्दारीपेक्षा श्रेष्ठ पाहिजे.

गद्दारच गद्दारीचा, अनोळखी वाहक आहे. गद्दारीची जळजळ, निष्ठेसाठी दाहक आहे.

पक्षीय बंडखोरीसुद्धा, गद्दारीचेच लक्षण आहे! सुप्त आणि गुप्त शोधा, हे कोरोनाचेच शिक्षण आहे !!

-सूर्यकांत डोळसे,पाटोदा(बीड) मोबाईल-9923847269 ------------------------ फेरफटका-7408 दैनिक झुंजार नेता 18सप्टेंबर2020

-सूर्यकांत डोळसे,पाटोदा(बीड)

मोबाईल-9923847269

----------------------------------------

चिमटा-5919

दैनिक पुण्यनगरी

18सप्टेंबर2020

कूट प्रश्न

 आजची वात्रटिका

-----------------------

कूट प्रश्न

ज्या ज्या प्रश्नात, खरी मेख असते. सर्वपक्षीय भावना, तिथे एक असते.

बेकीच्या एकीत, तात्पुरती नेकी असते ! जिथे होते बेरीज, ती वजाबाकी असते !!

-सूर्यकांत डोळसे,पाटोदा(बीड) मोबाईल-9923847269 ---------------------------------------- चिमटा-5919 दैनिक पुण्यनगरी 18सप्टेंबर2020

कंगनाचा कबुली-जबाब

 आजची वात्रटिका

-----------------------

कंगनाचा कबुली-जबाब

बॉलिवूड सरळमार्गी नाहीच नाही, तिथे वाकडी वाट धरावी लागते. कंगनाने जाहीर कबुली दिली, बॉलिवूड मधल्या ब्रेकसाठी, नटीला 'अंग मेहनत' करावी लागते.

अंग मेहनत आणि अंग प्रदर्शन, हेच बॉलिवूडचे 'शॉर्ट कट' आहेत !! नटयांचे शॉर्टकट उघड झाले, अजून गुलदस्त्यात नट आहेत !!

-सूर्यकांत डोळसे,पाटोदा(बीड) मोबाईल-9923847269 ------------------------ फेरफटका-7407 दैनिक झुंजार नेता 17सप्टेंबर2020

कांद्याची कथा

 आजची वात्रटिका

-----------------------

कांद्याची कथा

खुर्चीवर कुणीही असो,

कांदा आणतो डोळ्यात पाणी.

सोयी-सोयीने गायली जातात,

आयात-निर्यातीची गाणी.

कथा अकलेच्या कांद्याची,

प्रत्यक्षात अनुभवली जाते !

नासक्या-फुसक्या धोरणाने

शेतकऱ्यांना शेंडी लावली जाते !!

-सूर्यकांत डोळसे,पाटोदा(बीड)

मोबाईल-9923847269

------------------------

फेरफटका-7406

दैनिक झुंजार नेता

16सप्टेंबर2020

कोरोनाचे नखरे

 आजची वात्रटिका

-----------------------

कोरोनाचे नखरे

जिवघेण्या भोचक कोरोनाचे,

रोज नवे नवे नखरे आहेत.

सावध आणि बेसावधही,

कोरोनाच्या बळीचे बकरे आहेत.

भेटीगाठीवर माणूस,

भीतीपोटी नियंत्रण ठेवू शकतो.

पूर्वी कोरोना कवेतून यायचा,

आता तो हवेतून येऊ शकतो.

सॅनिटायझर लावता लावता,

कुणी अल्कोहोलिक होऊ शकतो !

कदाचित भविष्यात कोरोना,

धूम्रपान करायला लावू शकतो !!

-सूर्यकांत डोळसे,पाटोदा(बीड)

मोबाईल-9923847269

-------------------------------

चिमटा-5918

दैनिक पुण्यनगरी

17सप्टेंबर2020

इतिहासाच्या नावाने...

 आजची वात्रटिका

-----------------------

इतिहासाच्या नावाने...

यांचे काढून त्यांचे नाव,

जाणिवपूर्वक टाकले जाते.

इतिहासाने इतिहासाला,

खोडसाळपणे झाकले जाते.

इतिहासाने वर्तमान उजळावा,

वर्तमान काजळून जाऊ नये !

उठता बसता आपली अक्कल,

कुणीही पाजळून जाऊ नये !!

-सूर्यकांत डोळसे,पाटोदा(बीड)

मोबाईल-9923847269

----------------------------------------

चिमटा-5917

दैनिक पुण्यनगरी

16सप्टेंबर2020