कोरोनाचे नखरे

 आजची वात्रटिका

-----------------------

कोरोनाचे नखरे

जिवघेण्या भोचक कोरोनाचे,

रोज नवे नवे नखरे आहेत.

सावध आणि बेसावधही,

कोरोनाच्या बळीचे बकरे आहेत.

भेटीगाठीवर माणूस,

भीतीपोटी नियंत्रण ठेवू शकतो.

पूर्वी कोरोना कवेतून यायचा,

आता तो हवेतून येऊ शकतो.

सॅनिटायझर लावता लावता,

कुणी अल्कोहोलिक होऊ शकतो !

कदाचित भविष्यात कोरोना,

धूम्रपान करायला लावू शकतो !!

-सूर्यकांत डोळसे,पाटोदा(बीड)

मोबाईल-9923847269

-------------------------------

चिमटा-5918

दैनिक पुण्यनगरी

17सप्टेंबर2020