प्राणवायू

आजची वात्रटिका

---------------------

प्राणवायू

सारे जगच आता,
कोरोनामुळे सैरभैर झाले.
लोकांमधल्या वैराचे,
कोरोनामुळे हाडवैर झाले.

दुःखाबरोबर सुखालाही
आता वाटेकरी राहिले नाहीत.
खाट मोकळी करून देतील,
असे खाटेकरी राहिले नाहीत.

कोरोनाचा खेळच,
कल्पनेपेक्षा न्यारा आहे.
प्रत्येकाला आपला जीव,
आता जास्तच प्यारा आहे.

काळ बनून फडफडणारे,
कोरोनाचे कॅलेंडर आहे !
आत्मिक प्रतिकारशक्तीच
ऑक्सिजनचे सिलेंडर आहे !!

-सूर्यकांत डोळसे,पाटोदा(बीड)
मोबाईल-9923847269
------------------------
फेरफटका-7400
दैनिक झुंजार नेता
9सप्टेंबर2020