बोगसगिरी ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

बोगसगिरी

बोगस मतदानाच्या जोडीला,
बोगस मतदारांची जोड आहे.
भारतीय लोकशाहीला,
बोगसगिरीची जुनीच खोड आहे.

बॅलेट पेपर पासून ईव्हीएम पर्यंत,
बोगसगिरीची परंपरा कायम आहे.
बोगसगिरीशिवाय निवडणूक नको,
जणू असाच अलिखित नियम आहे.

वाढती सत्तापि पासू वृत्ती हीच,
बोगसगिरीची आई आहे !!
बॅलेट पेपर असो ईव्हीएम,
साक्षीदार बोटावरची शाई आहे !

-सूर्यकांत डॊळसे,पाटोदा(बीड)
मोबाईल-9923847269
---------------------------------
फेरफटका-9002
वर्ष-25 वे
दैनिक झुंजार नेता
10ऑगस्ट2025