आयाराम आणि गयाराम ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

आयाराम आणि गयाराम

सगळेच आयाराम गयाराम,
अगदीच एकसारखे आहेत.
विश्वास आणि सहानुभूतीला,
एकसारखेच पारखे आहेत.

गयारामांना विचारतो कोण?
आयारामांचे मात्र स्वागत होते.
आयाराम आणि गयाराम,
दोघेही दयाराम म्हणून जगत होते.

एकाला झाकावे दुसऱ्याला उघडावे,
अशी दोघांची सारखीच तऱ्हा आहे!
दोघांच्याही सुखदुःखाचा निवाडा,
आपण न केलेलाच बरा आहे !!

-सूर्यकांत डॊळसे,पाटोदा(बीड)
मोबाईल-9923847269
-----------------------------------
फेरफटका-9007
वर्ष-25 वे,
दैनिक झुंजार नेता
15ऑगस्ट2025