सुटकेचा निःश्वास

आजची वात्रटिका
----------------------------------------

सुटकेचा निःश्वास

यंदा दहा दिवस गणपती
भलतेच टेन्शनमध्ये बसले होते.
विघ्नाची वार्ता येईल म्हणून
रोखण्याच्या पवित्र्यात
सुखकर्ता दुःखहर्ता दिसले होते.

गणपतीचा चिंताग्रस्त चेहरा,
उंदराने नजर अंदाज केला नाही !
गणराया म्हणाले उंदराला,
बरे झाले,तूही भाजपात गेला नाही !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5567
दैनिक पुण्यनगरी
12सप्टेंबर2019