भक्तांतर आणि रक्तांतर... मराठी वात्रटिका

आजची वात्रटिका
----------------------

भक्तांतर आणि रक्तांतर

पक्षांतर हा शब्द काही,
राजकारणात नवा नाही.
पक्षांतर करूच नये,
असा कुणाचाच दावा नाही.

पक्षांतराच्या पाठोपाठ,
आता भक्तांतर होते आहे.
अंतराने अंतर वाढत गेले,
आता रक्तांतर होते आहे.

चडफड आणि फडफडीशिवाय,
राजकीय पक्षांतर होत नाही!
भक्तांतर होवो वा रक्तांतर,
राजकीय लक्ष्यांतर होत नाही!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6677
दैनिक पुण्यनगरी
30डिसेंबर2022