आजची वात्रटिका
-----------------------
मतदान विक्री
एकाचे बघून दुसरे,
आपोआप सोकले जातात
चांगला भाव येताच,
मतदार विकले जातात.
रोखीने आणि चोखीने,
मतदानाची विक्री आहे.
मतदान गरागरा फिरवते,
अशी मतदानाची चक्री आहे.
घेणारे गोड,देणारे गोड,
सगळी गोडी गुलाबी आहे!
आपल्या मात्र पोटात दुखते,
सगळा मामला जुलाबी आहे !!
-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8113
दैनिक झुंजार नेता
3 डिसेंबर2022
No comments:
Post a Comment