टाईमपास.. मराठी वात्रटिका

आजची वात्रटिका

----------------------

टाईमपास

जो पटकन फोडला जातो,

तो जनतेच्या अपेक्षांचा फुगा आहे.

अधिवेशन कोणतेही असो,

जणू त्यांच्या टाईमपासची जागा आहे.

लोक उघड्या डोळ्यांनी बघतात,

अधिवेशनात काय काय केले जाते!

पावसाळी असो हिवाळी,

अधिवेशन तर एन्जॉय केले जाते.

सभागृहाच्या आत आणि बाहेर,

आपले कलागुण उधळले जातात!

खरे आणि गरमागरम मुद्दे,

गदारोळामध्ये साधळले जातात !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6675

दैनिक पुण्यनगरी

28डिसेंबर2022