धिक्कार असो !...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

धिक्कार असो !

तुमच्यासाठी स्वातंत्र्याची,
श्रीमंतीही भिक्कार आहे.
विकृतीला संस्कृती म्हणणाऱ्यांचा,
अगदी जाहीर धिक्कार आहे.

विकृतीची स्वीकृती म्हणजे,
कर्तव्याची खिल्ली आहे.
आपल्याच मूलभूत हक्कांची,
आपल्याकडून पायमल्ली आहे.

आपल्या असंविधानिक वृत्तीची,
कधीतरी वाचा फुटली पाहिजे !
किमान आपल्या दांभिकतेची,
आपल्याला लाज वाटली पाहिजे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8944
वर्ष-25 वे
दैनिक झुंजार नेता
11जून2025