एका लेखाचा लेखाजोखा ...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

एका लेखाचा लेखाजोखा

एकाच मतदारांची नावे म्हणे,
अनेक ठिकाणी मिक्स होती.
महाराष्ट्र विधानसभेची,
निवडणूक म्हणे फिक्स होती.

मतदार यादीबरोबर मतदानाची,
म्हणे टक्केवारीही फुगली होती.
विश्वासार्हता आणि पारदर्शकता,
याचीही म्हणे वाट लागली होती.

एक्स हॅण्डल वरच्या लेखाला,
विरोधक वाय झेड ठरवू शकतात !
लेखाला लेखाने उत्तर देऊन,
लोकशाहीला डोक्यावर
मिरवू शकतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8941
वर्ष-25 वे
दैनिक झुंजार नेता
8 जून2025