फेस ना पाणी!...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

फेस ना पाणी!

फाटाफूट आणि एकत्रीकरणाची,
रोज नवी नवी आकाशवाणी आहे.
वाळू आहे साक्षीला,
कुठेच ना फेस,ना पाणी आहे.

फाटाफूट आणि एकत्रीकरणाच्या,
फक्त बातम्या रंगवल्या जातात.
सूत्रांचा हवाला देऊन देऊन,
लोक त्यातच गुंगवल्या जातात.

राईचा पर्वत करून करून करून,
त्यातून उंदीरसुद्धा काढला जातो !
सूत्रांच्या हाती सूत देऊन,
स्वर्गसुद्धा बिनधास्त ओढला जातो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8937
वर्ष-25 वे
दैनिक झुंजार नेता
4 जून2025