मूलभूत परिवर्तन...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

मूलभूत परिवर्तन

समस्या कुणाला सोडवायच्या नाहीत,
फक्त फांद्या हलवीत बसायचे आहे.
अनिष्ट परंपराचे उदात्तीकरण करून,
फक्त दुसऱ्यावरतीच हसायचे आहे.

हत्ती होऊन लाकडे फोडण्यापेक्षा,
मुंगी होऊन साखरेवरती ताव आहे.
थोडेसे पुढे जाऊन जास्त मागे येणे,
यालाच समाज सुधारणेचे नाव आहे.

वैयक्तिक आयुष्यात बदल करा,
सामाजिक सुधारणा होत राहतील !
याचीच सामाजिक मूल्ये होऊन,
नव्या पिढ्या आदर्श घेत राहतील !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8936
वर्ष-25 वे
दैनिक झुंजार नेता
3 जून2025