पक्षांतराचा उतारा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

पक्षांतराचा उतारा

एरव्ही कार्यकर्ते मस्त असतात,
एरव्ही कार्यकर्ते सुस्त असतात.
निवडणुका जवळ आल्या की,
कार्यकर्ते मात्र अस्वस्थ असतात.

पक्ष कोणताही असला तरी,
सगळ्यांचीच तऱ्हा एक असते.
सगळ्यांच्याच भवितव्यावरती,
अलगद मारलेली मेख असते.

कार्यकर्त्यांकडून अस्वस्थतेवर,
पक्षांतराचा उतारा काढला जातो !
एकच राजकीय पक्ष सुद्धा,
त्यांच्याकडून पुन्हा पुन्हा सोडला जातो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8948
वर्ष-25 वे
दैनिक झुंजार नेता
15जून2025